Əziz izləyici, prof. Abuzər Xələfovun rəsmi saytında xoş gördük. Saytla bağlı sual, təklif və müraciətlərinizi azadbey@mail.ru ünvanına və +994 558402781 whatsap nömrəsinı göndərə bilərsiniz . Sizin fikirləriniz bizim üçün önəmlidir.
Sayt haqqında
Bu sayt Qərbi Azərbaycan İcmasının Ziyalılar Şurasınını "Qərbi Azərbaycanın görkəmli ziyalıları" layihəsi çərçivəsində yaradılıb . Sayt Azərbaycan kitabxanaşünaslıq elmi məktəbinin banisi, Əməkdar elm xadimi, professor Abuzər Xələfovun həyatını, elmi-pedaqoji fəaliyyətini və zəngin irsini geniş ictimaiyyətə təqdim etmək məqsədi ilə hazırlanmış elektron məlumat platformasıdır. Saytın əsas məqsədi prof. Abuzər Xələfovun kitabxanaşünaslıq, informasiya cəmiyyəti, kitabxana tarixi üzrə elmi tədqiqatlarını və pedaqoji fəaliyyət sahəsindəki xidmətlərini sistemli şəkildə toplamaq, qorumaq və rəqəmsal mühitdə əlçatan etməkdir. Sayt istifadəçilərə alimin bioqrafiyası, həyatının mühüm tarixləri, əsərləri, haqqında yazılmış materiallar, foto arxiv, video yaddaş və digər bölmələr üzrə rahat naviqasiya imkanı yaradır.
Saytda alimin kitabları, məqalələri, avtoreferatları və elmi redaktoru olduğu nəşrləri ilə tanış olmaq olar.
Saytda alimin həyat və fəaliyyət yolunu əks etdirən tarixi fotomateriallar saytda öz əksini tapıb.
Saytda prof. Abuzər Xələfov haqqında filmlər və digər audiovizual materiallar verilib.
Sayt tələbələr, magistrantlar, doktorantlar, kitabxanaşünaslar, biblioqraflar, informasiya mütəxəssisləri, tədqiqatçılar və Azərbaycan elmi-mədəni irsi ilə maraqlanan bütün istifadəçilər üçün nəzərdə tutulmuşdur.
Sayt yalnız məlumatlandırma məqsədi daşımır; o, həm də görkəmli ziyalının elmi irsinin gələcək nəsillərə ötürülməsi, tədqiqat dövriyyəsinə daxil edilməsi və milli kitabxanaşünaslığın rəqəmsal yaddaşda yaşadılması missiyasını yerinə yetirir.
Bioqrafiya, əsərlər, foto arxiv və video yaddaş bölmələrinə keçidlər.